حیات الانبیاء فی قبورھم از احتشام فاروقی

حیات الانبیاء فی قبورھم
از_احتشام_فاوقی
کیا انبیاء کرام اپنی قبروں میں زندہ ہیں ؟
جواب: ہاں ! کیونکہ یہ ثابت ہے کہ وہ حج کرتے ہیں اور اپنی قبروں میں نماز پڑھتے ہیں ،علماء کرام فرماتے ہیں کہ بعض اوقات انسان مکلف نہیں ہوتا ، لیکن لطف اندوز ہونے کے لیے اعمال ادا کرتا ہے لہزا یہ بات اس امر  کے منافی نہیں ہے کہ آخرت دار الجزاء ہے

سوال : انبیاء کرام کی حیات مبارکہ پر کیا دلیل ہے ؟
جواب : صحیح مسلم میں حضرت انس سے مروی ہے کہ  رسول اللہ ﷺ نے فرمایا 
اتیت لیلة اسری بی علی موسی قائما یصلی فی قبرہ عند الکثیب الاحمر (1)
کہ شب معراج موسی علیہ السلام کے پاس سے ہمارا گزر ہوا ، وہ سرخ ٹیلے کے پاس اپنی قبر میں نماز پڑھ رہے تھے
امام بیہقی اور ابو یعلٰی حضرت انس سے روایت کرتے ہیں کہ رسول اللہ ﷺ نے فرمایا :
" الانبیاء احیاء فی قبورھم یصلون (2)
کہ انبیاء کرام اپنی قبروں میں زندہ ہیں اور نماز پڑھتے ہیں
علماء کرام فرماتے ہیں کہ اللہ تعالی نے قرآن میں فرمایا کہ :
ولا تحسبن الذین  قتلوا فی سبیل اللہ اموتا بل احیاء عند ربھم یرزقون (3)
کہ ان لوگوں کو مردہ گمان نہ کرو جو اللہ کی راہ میں شہید کیے گئے بلکہ وہ زندہ ہیں اور اپنے رب کے ہاں رزق دیئے جاتے ہیں

تو جب شہدا زندہ ہیں تو انبیاء کرام تو بدرجہ اولی زندہ ہیں کیونکہ وہ شھداء سے زیادہ درجہ رکھتے ہیں

و عن عائشہ قالت کنت ادخل بیتی الذی فیہ رسول اللہ و ابی، وانی واضع ثوبی و اقول انما ھو زوجی و ابی ، فلما دفن عمر معہم فواللہ ما دخلت الا وانا مشدودة علی ثیابی حیاء من عمر رواہ الاحمد (4)

اور حضرت سیدہ عائشہ فرماتی ہیں کہ میں اپنے گھر میں جس میں رسول اللہ ﷺ اور میرے والد ماجد آرام فرماتھے (یعنی روضہ رسول ﷺ) اس حال میں داخل ہوجاتی کہ پردے کا کچھ خاص خیال نہ رکھتی اور کہتی کہ ان میں سے ایک میرے شوہر اور دوسری میرے والد ہیں لیکن جب ان کے ساتھ حضرت عمر دفن ہوئے تو اللہ کی قسم ! عمر سے حیا کی بنا پر میں اس طرح داخل ہوتی کہ میں نے اپنے جسم کو خوب اچھی طرح کپڑوں میں لپیٹ رکھا ہوتا تھا،
 اس حدیث سے معلوم ہوتا ہے  کی سیدہ عائشہ کو اس امر میں کوئی شک نہ تھا کہ حضرت عمر فاروق انہیں دیکھ رہے ہیں یہی وجہ تھی کہ جب حضرت عمر ان کے گھر دفن ہوئے تو داخل ہوتے وقت پردے کا خصوصی اہتمام کیا کرتیں تھیں
حوالہ جات
1: اخرجہ المسلم فی الصحیح 268/2 باب فضائل موسی علیہ السلام
2: اخرجہ البیہقی فی حیاة الانبیاء 3
3: القرآن 129/3
4: اخرجہ احمد فی مسندہ 202