آؤ روئیں ۔۔۔۔۔۔۔ تحریر: محمد اسمٰعیل بدایونی

آؤ روئیں      ۔۔۔۔۔۔۔ تحریر: محمد اسمٰعیل بدایونی
آؤ ! آج روئیں اور بہت دیر تک روئیں ۔۔۔
روئیں اپنی  شعوری حالت پر ۔۔۔۔۔روئیں  شاید رونے سے سکون مل جائے  ۔۔۔
جنگل میں  کسی جانور کے ساتھ  کوئی حادثہ پیش آجائے تو  باقی جانور بھی اس سے اظہارِ ہمدردی کرنے لگتے ہیں ۔۔۔۔۔
لیکن!!!!!!!ہم کون لوگ ہیں ؟
ہمارا  تعلق  کہاں سے ہے ؟
کیا ہم انسانوں کی  بستی میں رہتے ہیں ؟
ہمارا تعلق بھی انسانوں سے  ہی ہے ؟
حادثہ کیا تھا  لو گ دھاڑے دھاڑے مار مار کر رو رہے تھے ۔۔۔۔۔لاشیں بے گورو کفن پڑی ہوئیں تھی ۔۔۔۔ بھیجا نکل کرسڑک پر بکھر چکا تھا ۔۔۔۔بائیک  پچک چکی تھی ۔۔۔۔چاروں جانب ایک مجمع لگا ہوا ہے ۔۔۔۔۔
موبائل فون جیبوں سے نکلے  ۔۔۔وڈیوز بنائی جانے لگیں ۔۔۔۔کچھ ہی دیر میں پورے ملک میں نیم عریاں لاشوں کی تصویر  سوشیل میڈیا پر وائرل ہو چکی تھی ۔۔۔
ہر حادثے کے ساتھ ہماری یہ ہی روش ہے ۔۔۔۔ہمارا یہ ہی طریقہ ہے ۔۔۔۔
کبھی سوچا  بھی!!!!!!!!!!
یہ وڈیو جب ان کے پیاروں کے سامنے آتی ہوں گی تو کیسی قیامت گزرتی ہو گی ان  پر؟۔۔۔۔مائیں سسک نہیں پڑتی ہوں گی ؟
باپ پر کیا بیتتی ہو گی ؟۔۔۔۔بہن کے جذبات کو وڈیو کا ہر سیکنڈ  تیز دھار آلے سے کیسے چیرتا ہے اس کا اندازہ بھی ہوتا ہے تمہیں  ؟
سب کو چھوڑو اے بے حس لوگو!صرف یہ بتاؤ سامنے پڑی ہوئی لاش تمہاری بہن یا بھائی کی ہوتی تب بھی تم یہ وڈیو بنا کر سوشیل میڈیا پر  وائرل کرتے ؟
عجیب منظر ،انسان ہی  تماشا انسان  ہی تماشائی ۔۔۔۔۔ہم کب تہذیب کے دور میں داخل ہوں گے ؟
چ ۔۔۔چ چ ۔۔چچ   چچ  ۔۔۔افسوس کرنے والو  ں کا  ہجوم ۔۔۔۔۔انہیں افسوس نہیں تھا انہیں تو افسوس کی لذت میسر آرہی تھی ۔۔۔۔
مگر مچھ کے آنسو بھاتے کرتا دھرتا  بھی موجود تھے ۔۔۔۔تعزیت کے بناوٹی الفا ظ ادا کرتے  ذمے دار وں کی اداکاری بھی کمال کی تھی ۔۔۔ مجھ سے سوال کررہی تھی  بے گوروکفن لاشیں
تربیت سے عاری نسل نو  پر جو یہ جو اُفتاد ہے کس کی ایجاد ہے ؟۔۔۔۔
یہ منظر دیکھ کرافضل منہاس کا شعر    مجھے یاد آگیا
تہذیب کو تلاش نہ کر شہر شہر میں
تہذیب کھنڈروں میں ہے کچھ پتھروں میں ہے
انسان بے حسی سے ہے پتھر بنا ہوا
منہ میں زبان بھی ہے لہو بھی رگوں میں ہے
۱۴ نومبر ۲۰۱۷ بروز منگل
https://www.facebook.com/IslamicResearchSociety/ )
ڈاکٹر محمد اسمٰعیل بدایونی کی تحریر کردہ کتب ،مکتبہ انوارا لقرآن ، مصلح الدین گارڈن  ،03132001740 مکتبہ برکات المدینہ بہادرآباد اور مکتبۃ الغنی پبلشرز ن زد فیضان مدینہ پرانی سبزی منڈی سے حاصل کریں ۔03152717547