طعام نبوی ﷺ از_احتشام فاروقی
طعام نبوی ﷺ
از_احتشام فاروقی
رسول اللہ ﷺ کی عادت مبارکہ تھی جو بھی نعمت میسر آتی آپ ﷺ اسے شوق سے تناول فرما لیتے
کھانے کا طریقہ
آپ ﷺ دستر خوان پر بیٹھ کر کھانا تناول فرماتے کھانے سے قبل ہاتھ دھوتے اور بسم اللہ کے ساتھ پہلا لقمہ اٹھاتے ، ہاتھ دھو کر پونجھتے نہیں تھے ، دائیں ہاتھ سے کھاتے اور کبھی پیٹ بھر کر نہ کھاتے
حضرت عبد اللہ بن عباس سے روایت ہے کہ
کان رسول اللہ ﷺ یجلس علی الارض ، و یاکل علی الارض
کہ آقا علیہ السلام زمین پر تشریف رکھتے اور زمین پر ہی (دستر خوان بچھا کر ) کھانا تناول فرماتے
کھانا کھانے کے بعد ک عادت مبارکہ
حضرت انس فرماتے ہیں
کان رسول اللہ ﷺ اذا اکل طعاما لعق اصابعہ الثلاث
کہ حضور ﷺ جب کھانا تناول فرماتے تو اپنی انگلیوں کو تین مرتبہ چاٹ لیا کرتے
بیٹھنے کا طریقہ
حضرت ابو جحیفہ فرماتے ہیں کہ حضور نے فرمایا
انی لا اکل متکئا
کہ میں ٹیک لگا کر نہیں کھاتا
پسندیدہ روٹی
حضرت عبد اللہ بن عباس فرماتے ہیں
کان اکثر خبزہم خبز الشعیر
اکثر آپ ﷺ کی روٹی جو کی ہوتی
پسندیدہ سالن
حضرت عائشہ فرماتی ہیں
کہ رسول اللہ نے فرمایا
نعم الادم الخل
سرکہ بہترین سالن ہیں
پسندیدہ سبزیاں
حضرت انس فرماتے ہیں
فرایت رسول اللہ یتتبع الدباء من حول القصعۃ ، فلم ازل احب الدباء من یومئذ
میں رسول اللہ ﷺ کو دیکھا آپ پیالہ سے کدو کے ٹکرے تلاش فرما رہے ہیں ، تو اس دن سے مجھے کدو ہمیشہ کے لیے پسند ہو گیا
پسندیدہ گوشت
حضرت عبد اللہ بن جعفر فرماتےہیں آپ ﷺ نے فرمایا
اطیب اللحم لحم الظہر
سب سے اچھا گوشت پیٹھ کا ہوتا ہے
آپ ﷺ نے بھنا ہوا گوشت بھی کھایا اور مرغ کا گوشت بھی کھایا
پسندیدہ پھل
حضرت ابو ہریرہ فرماتے ہیں
کان احب الفاکھۃ الی رسول اللہ ﷺ الرطب و الطبیخ
کہ آپ ﷺکو سب سے زیادہ پختہ تازہ کھجور اور خربوزہ پسند تھا
پسندیدہ شرینی
حضرت عائشہ صدیقہ فرماتی ہیں
کان النبی یحب الحلواء والعسل
رسول اللہ میٹھا اور شہد بہت پسند فرماتے تھے
Comments
Post a Comment
اس کے متعلق آپکی کیا رائے ہے؟
کمنٹ بوکس میں درج کر دیں